Skip to content

About

السلام عليكم ورحمه الله وبركاته

ما اعرف كيف ابدأ اتكلم عن نفسي ، مشكلتي دائماً هي البدايه في الشيء، يمكن لازم ابدأ اعرّف عن اسمي ؟ اوكي ، اسمي احمد الحربي من دوله الكويت.

لا اشارك كثيراً في المنتديات ، ولكن حالياً اشارك في منتدى Axisia ولكن مو بشكل منتظم .

اهتماماتي مثل اي شاب مراهق في عمري، احب الافلام والمسلسلات بشكل كبير ، ولكني افضل المسلسلات اكثر، لعب الفيديوجيمز ولو اني في هذي الفتره قل اهتمامي فيه، بس متأكد لما ترجع العطله برجع العب مثل اول وأكثر! احب اقرأ الروايات بشكل كبير ، وانا فان كبير لأجاثا كريستي، واكيد ما انسى الانترنت اللي ماخذ اوقات كثيره من يومي.

المدونه هذي بتختلف شوي عن سابقتها اللي اغلقتها من مده ، هذي المره المدونه ماراح تكون مركزه على الفيديوجيمز بشكل كبير ، هالمره بتكون متنوعه اكثر، بتكلم عن الافلام اللي شفتها والمسلسلات اللي تابعتها ، وعن الروايات اللي قرأتها وانطباعاتي عنها ، واكيد عن الفيديوجيمز وعن بعض اخبارها وانطباعاتي عن بعض الالعاب ، وبيتخلل كل هذا تدوينات عن افكاري وعن حياتي الخاصه، تقدر تقول مثل يوميات تقريباً.

وفي الختام، اتمنى اني ما اكثرت من الكلام، واتمنى لي ولكم الاستمتاع بهذه المدونه. واذا في اي اقتراح او شكوى او اي شي يدور في بالك لا تتردد ابداً في انك تكتب تعليق او ترسل لي وراح تلقى الجواب بأسرع وقت ان شاء الله.

8 تعليقات

اكتب تعليقُا
  1. Abdulrhman / مارس 22 2009 1:02 م

    وعليكم السلام ورحمة الله و بركاته

    حموده ، اول شي مبروكيشن عالمدونة الجميلة … التدوينات اللي فيها طيبة و اتمنى بشدة انك تدوام ،وما ابقى اقولك بعد اني فرحان جدا لانتقالك لاكسيزيا ، مكسب كبير لاكسيزيا … اوكي ، بس في شوية نصايح ، هممممممم ….

    قالب المدونة : لو تركب قالب غير هذا افضل … لان هذا القالب يطلع بشكل سيء مع الخط العربي ، في بعض القوالب راح تخلي الخط العربي Tahoma وراح يصير رهييييييب .

    حاول انك تعزم و تنتقل للاستضافه المدفوعه ،مدونتك تستاهل ، و الاحلى ان نطاق http://www.a7madblog.com ما حجزوه من قبل ! الحق عليه ( احذف الرابط عشان ما حد يفكر فيه ويشتريه قبلك لول ) .

    هممم … بس .. الله يوفقك .

  2. Ahmad / مارس 22 2009 2:08 م

    الله يبارك فيك (: ، وشي طيب انه عجبتك تدويناتي، لأني أحس انه ماعندي سالفه لما أجي اكتب.

    قالب المدونه، هممم مولاقي قوالب تستاهل اني احطها، ولقيت هذا افضل السيئين، هذا واحد من الأسباب اللي يخليني أفكر جدياً انه انتقل لدومين خاص.

    اما انتقالي لنطاق مدفوع، ما اعتقد اني بسوي هالشي بالوقت القريب، لأنه ماعندي مواد تدوينيه تستاهل اني افتح موقع خاص لها وأدفع عليه، هنا فقط للفضفضه، وأنا متأكد اني بعد فتره راح أزهق من التدوين واتجه لشي ثاني، بس اللي اتمناه انه هالشي مايصير، اذا تأكدت اني راح ابقى في عالم التدوين، وقتها بإذن الله راح افتح مدونه مدفوعه.

    وحياك الله دائماً عبدالرحمن بالمدونه.

  3. هاجر / مايو 9 2010 1:10 ص

    وعليكم السلام..
    دخلت بالصدفه وعجبني فكرة ان في واحد من شباب هالايام يفكر انه يسوي مدونه خاصه فيه وتكون (( هادفه)) .. وحلو لما تفضفض في المدونه وتكتب عن اهتماماتك وتشارك الناس فيها
    والصراحه شجعتني اني اسويلي مدونه :^ يمكن استقر على هواية او اهتمام معين

    عموما
    اتمنالك التوفيق انشالله

    ومتابعتك 🙂 ~

    • Ahmad / مايو 9 2010 9:44 م

      شكراً على اطرائك! بصراحه فرحت كثير ان مدونتي على الأقل اعجبت شخص واحد، وشجعته انه يسوي مدونة، ماتدرين كيف فرحت لما قرأت تعليقك.

      و توقيتك غريب صراحه، في الوقت اللي قررت فيه اني ارجع اكتب في هذي المدونة بس كنت متردد. يمكن هذي علامه على اني ما اتردد؟ P:

      ويسعدني اني اقرأ مدونتك اذا عملتيها، واشجعك على هالشي، المدونات من اكثر التجارب متعه في الانترنت، وشي حلو لما تشارك ناس اهتماماتك وتلقى من يناقشك ويعلّق عليها ويشاركك نفس الاهتمامات.

      شاكر لك المتابعه والتعليق الرائع جداً، واتمنى ماتقطعي متابعة هذي المدونة.

  4. single1bride / مايو 10 2010 1:24 م

    باركلي سوويت مدونتي 🙂

    • Ahmad / مايو 10 2010 2:33 م

      مبروك ؛)

  5. Abdulrahman / ديسمبر 8 2011 4:32 ص

    Hellooooo !! is anyone here ?

    • Ahmad / ديسمبر 8 2011 10:08 م

      No, not really :p

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: