Skip to content
يناير 16, 2010 / Ahmad

No More

صارلي مده طويله من آخر مره كتبت شي، كنت في كل مره ابي اسكر المدونه نهائياً ولكن في كل مره اتراجع وأقول يمكن يرجع لي الحماس مره ثانيه، ولكن الآن الموضوع اصبح رسمي، الحماس لهذه المدونه شكله ماراح يرجع ابداً! لذا بغلقها مثل سابقتها.

فيه كم فكره براسي بتحتاج مدونه، وفكره واحده بدأت فعلاً اشتغل عليها واتوقع ترى النور خلال الاسبوع القادم او اللي وراه، بكتب تدوينه هني متى ما انتهت اي فكره من اللي افكر فيهم وخرجت للعيان! فـ حاول تدخل المدونه بين فتره وفتره، او على الأقل خلال هذا الشهر.

الى اللقاء!

Advertisements

7 تعليقات

اكتب تعليقُا
  1. Abdulrhman / يناير 17 2010 3:35 م

    يارجال ، في حال كنت بتترك المدونة ، كان خليتها كذا ،، يعني ، لو تلاحظ في مدونات موقفة من زماااان لكن ما ذكروا بانهم راح يوقفوا لانهم ممكن يرجعوا يوم ،،،
    عموما في انتظار مشروعك الجديد

    • Ahmad / يناير 17 2010 4:49 م

      ماكنت حاب اخلي احد على امل انه المدونه ترجع، صارت فيني كثير وتمنيت لو ان اصحاب المدونات هذي يوقفون بدل من انهم يعلقوني على امل زائف بإنه في يوم من الأيام بيرجعون للمدونه ويخلوني ابقى بين كل فتره وفتره ادخل حتى اتأكد.

      ما اعتقد انه فيه احد متابع المدونه لهذه الدرجه، ولكن حبيت فقط انتهي من هذه المدونه حتى ماتبقى بتفكيري دائماً وازعل اني تركتها، وأركز على شيء ثاني، حالياً قاعد احاول اقصي كل شيء ماله اهميه كبيره عندي او أي تشتيت حتى اقدر اركز على مجموعه صغيره من الأشياء، احسن ما إني اضيع بين كميه كبيره من الأشياء وافقد تركيزي على اولوياتي.

      حالياً ابتعدت عن الفيديو جيمز، عن التدوين، والمشاركه بالمنتديات، حتى اركز على هواياتي الأخرى مثل الكتابه والقراءه، والآن بمشروع نشره أخبار المسلسلات اللي متحمس لها. وبهذه الطريقه قدرت ارتب اولوياتي، مايمنع اني العب فيديوجيمز او اشارك كم مشاركه في منتدى، ولكن قدرت اني ابعد هالاشياء من روتيني اليومي.

      آسف على الكلام الطويل، ولكن حبيت اتكلم شويه D: ، واتمنى انه يعجبك هالمشروع الصغير، انت واحد من اللي يشجعوني دائماً ورأيك بيفيدني. وبالتوفيق.

      طور الجديه: إغلاق. 😛

  2. Just Human / فبراير 5 2010 2:09 ص

    أفاااا , اجل قفلت مدونتك , و انا فعلاً كنت بين فتره و اخرى ادخل اشوف جديدك .

    و بالنسبه لمدونتك الجديده فيبدو انت بالفعل عندك خلفية بالمسلسلات و التلفاز على عكسي انا كل اللي احبه اشوفه مسلسل 24 و اتوفع انه يكفيني مع اني ارغب اشوف مسلسلات ثانيه لكن المسلسل الواحد ياخذ وقت كبير.

    على فكره اعتقدت ان المدونه الجديده لشخص اخر , لكن للتو عرفت انها لك 🙂

    بالتوفيق .

    • Ahmad / فبراير 5 2010 2:15 ص

      تاخذ وقت طويل؟ هذا الكلام من شخص يشوف 24 اللي صارله 8 مواسم :p

      ولكن بجد، المسلسلات اول ما تتابعها بتصير نوعاً ما تكره الأفلام، ولما تشوفها ما بتكون متعلق بشخصياتها مثل المسلسل، وتطور الأحداث في المسلسل -عادةً- يكون موزون وبطريقه مدروسه نظراً للوقت الكافي اللي عندهم، على عكس الأفلام اللي يحاولون يسوون كل شيء في مده قدرها ساعتين، ما أقلل من قدر الأفلام وروعه بعضها، ولكن من ناحيه سرد القصه، تطور الأحداث، وبناء الشخصيه المسلسلات تتفوق على الأفلام.

      اذا كنت مهتم، ممكن انصحك ببعض المسلسلات اللي ممكن تدخلك الى هذا العالم، عالم المسلسلات، عالم جميل P:

  3. Just Human / فبراير 5 2010 6:54 م

    لول , عجبني ردك 🙂

    اقصد بـ “طول المسلسلات ” يعني مثلاً أنا ابغى اشوف Lost و Prison Break و Horse و Mad Man و Dexter .

    و كل من هالمسلسلات له 3 او 4 مواسم بالقليل , هنا راح اخذ وقت في تحميل و مشاهدة كل حلقه و موسم و مسلسل 🙂

    و على فكرة مو بس 24 المسلسل الوحيد اللي تابعته (و لا ازال اتابعه) , في مسلسل اخر اذا عندك خلفيه عنه اسمه Jericho له موسمين تابعتهم كله , المسلسل عجبني كثير .

    • Ahmad / فبراير 5 2010 7:07 م

      ولكن شنو المانع؟ بما انك مستمتع معاه ويعجبك فليش ماتمضي وقتك فيه؟ نفس الشي اللي يقول انه الالعاب سيئه بسبب انك تحتاج وقت طويل علشان تخلصها.

      فـ لما يعجبك شيء ماراح تنتبه للوقت اللي ياخذه، نفس الشي لما تقعد فترات طويله وانت تقرأ روايه مشوقه ماتحس بالوقت اللي تاخذه، نفس الشي لما تلعب لعبه ومتحمس معها وماتهتم انها تاخذ وقت طويل منك. فإذا كنت بتشوف مسلسل لاتحط ببالك انك “بتضيع وقتك ” وانها بتاخذ وقت طويل منك، وبسألك سوؤال؛ هل تحس انك ضيعت وقتك على 24؟ اقدر من الحين اعرف اجابتك.

      مو قاعد احاول اقنعك تشوف شي انت ماتبيه، ولكن لما تفوّت على نفسك المسلسلات فإنت قاعد تفوت على نفسك الكثير، وبتعرف سبب الضجه حول لوست وهيروز وبريزون بريك وانها ماجات من فراغ.

      حاس اني قاعد اضغط عليك لول، فآسف اذا كنت قاعد “ألح” عليك زياده عن اللزوم، ولكن لما احد يجيب طاري المسلسلات ما اقدر امسك لساني عن الكلام 😀

  4. Just Human / فبراير 5 2010 7:54 م

    لا عادي انت ما تلح ابداً , لأني انا فعلاً انوي يوماً ما اشوف هالمسلسلات , لكن في الوقت الحالي صعب اشوفها كلها و اعود مرة اخرى اقول بأنها تاخذ وقت , فـ يصير وقتي كله اطالع مسلسلات و قبل كذا وقت في التحميل خصوصاً ان بعضها فاتني الكثير من المواسم و صعب اشوفها دفعه واحده .

    لذلك انا حالياً اركز على 24 و مستمتع فيه , ما اقول اني اقلل من شأن المسلسلات الباقيه لكن مثل ما ذكرت الوقت بالنسبه لي عامل مهم , و يمكن عامل ثاني لـ استمراري مشاهدة 24 لأني عشت معه سنوات و عارف الشخصيات و الاحداث حتى طريقة الاخراج , بينما لو ابدأ تجربة مسلسل ثاني اشعر بتكاسل لأني راح ادخل عالم ثاني عارف اني بانسجم معه وقت ما لكن مو مثل 24 🙂

    الخلاصه هو اني مثل هالمسلسلات لها مواسم متعدده و كل موسم له حلقات ايضاً فهي يحسسني بالعجز و اقول في نفسي “مشوااار” , بينما الافلام يوم واحد تشوفه و ينتهي , الروايه مجرد كتاب واحد , و اللعبه ايضاً , لكن لو واحد مثلاً يقول لي العب جميع اجزاء لعبة Resident Evil هنا تحس بـ طول الطريق , لكن مجرد جزء واحد عادي , ما ادري إذا فهمت الفكره 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: