Skip to content
يوليو 8, 2009 / Ahmad

Camera

 panasonic-lumix-dmc-fs25

فكره شراء كاميرا كانت في بالي من مده طويله، كنت راح اشتريها وجهزت كل شي، ولكن ولسبب ما راح حماسي للموضوع وكنسلت فكره الشراء، رجعت بعدها بفتره ( اعتقد شهر) ورجعت فكره الكاميرا، والآن قلت ماراح أسوي مثل المره اللي طافت، فـ بعد ما استقريت على كاميرا قررت اني اشتريها فوراً، والآن طلبتها من النت وبتوصلني قريباً ان شاء الله.

  dmc-fs25-20090507-06

ولكن الحين جات في بالي اسئله تخليني متردد فيها واسأل نفسي هل سويت الشي الصحيح بشراء كاميرا؟ ما أدري حاس اني ماراح ألقى شي أصوره، كـ مناظر طبيعيه أو شيء يستاهل التصوير، عدا السفرات او التجمعات العائليه واللي نادره جداً، فـ غير المناسبات مافيه اي شي يتصور! وتمنيت لو اننا في الشتاء بيكون التصوير احلى بفصل الشتاء، عموماً، باخذ لي جوله في منطقتنا يمكن الاقي شيء يتصور 😛

عموماً، انتظروا الصور المذهله اللي بتجيكم بعد ماتوصل لي الكاميرا ! << مصدق نفسي اني بصور “صور مذهله” !

Advertisements

3 تعليقات

اكتب تعليقُا
  1. klaminza / يوليو 11 2009 3:14 ص

    انا الصراحه وبدون اي مصالح شخصيه مخفيه أوافق على شرائك للكاميرا @_@ عشان نصور المناظر الرهيبه بالكويت ….و حوشنا ….ويمكن يـمـــــكــــن اخذها منك يا اخي العزيززز.
    لا جد اختيار موفق X)

  2. single1bride / مايو 11 2010 11:53 م

    اهي كـ كاميره (عاديه حيل ..
    بس علشان انت في بداياتك للتصوير
    واذا حبيت فكرة التصوير انصحك بأنك تشتري كاميرا بروفيشنال )< اللي انا ميته عليها
    تصويرها شي خيالي واهي عند بنت خالتي الصراحه حيل حبيت التصوير والسبب هالكاميرا فيها عدسات خاصه لنوع المنظر اللي تبيه بس يبيلك تتعلم عليها شوي

    ويلا خل نشوف ابداعاتك 🙂

    • Ahmad / مايو 13 2010 9:04 م

      هي بالفعل عاديه، ولكنها مناسبة جداً لي، كنت ابي كاميرا اقدر اخذها معي الى اي مكان من دون تعب او مشقه، بس احطها في جيبي وامشي.

      والكاميرا الاحترافيه ابيها من زمان 😥 تلتقط صور رائعه جداً وجربت اصور كم لقطه من كاميرا اختي وخرجت بصور اكثر من ممتازه، بس مشكلتها حجمها، وايضاً غاليه وحق شخص هوايته الاساسية التصوير، انا بالشهر اصور مره وفقط مع الاصدقاء او الاهل، لذا ماراح استفيد كثير من الاحترافيه، ولكن ان شاء الله بعد كم سنه اذا كنت مازلت مهتم بالتصوير بشتريلي وحده.

      واذا حابه تشوفين كم صوره من الصور اللي صورتهم بالكاميرا تقدرين تدخلين هنا http://www.flickr.com/photos/damha/
      مو مبهره كثير ولكن جيده، وان شاء الله قريباً برفع كم صوره بعد، من زمان مارفعت شي وعندي مجموعه ممتازة!

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: