Skip to content
يونيو 26, 2009 / Ahmad

What time is it? Summer Time !1

 celebrating

أمس كان أول يوم في الأجازه الصيفيه، مع اني نمت في معضمه وماقمت الى على صلاه الفجر، والى الآن قاعد. لكن ان شاء الله اليوم ببدأ فعلاً في الإستمتاع بالعطله الصيفيه، ولإني عادةً أقول ابي اسوي اشياء كثيره وما أسويها، فهالمره حطيت لسته بالأشياء اللي أبي اسويها، لعل وعسى هالمره أقدر أنفذهم :

+ أخلص الثلاث ألعاب اللي عندي ( inFamous ، TheWitcher ، No More Heroes )

+ أخلص على الأقل 4 روايات من المجموعه الكبيره اللي عندي، وناوي أبدأ في “نادي مفيستو”

+ اطالع على الأقل 3 مواسم من مسلسلات ( اللي في بالي Ugly Betty Season 3 ، True Blood S02 ، Fringe )

+ أخلص القصه اللي قاعد اكتبها، قاعد أأجل الكتابه لفتره طويله، وصلت لخمس فصول ووقفت لمده شهر تقريباً بسبب الإمتحانات ( بمعنى أصح، بسبب انه ماكان لي خلق) بس عموماً بكتب تدوينه بعدين عن قصتي ونبذه عنها، يمكن تعجب أحد أو أنشرها على النت.

+ أشترك في نادي، أو أقوم بعمل شيء رياضي. أنا دائماً أُهمل الرياضه ونادراً ما أسوي رياضه ( ماعدا المشي، واللي أحب اسويه على الأقل مره بالأسبوع) علشان جذي ابي أحسّن لياقتي البدنيه، وأبتعد شوي عن الكمبيوتر والنت.

+ مجرد فكره خطرت في بالي، وهي اني اسوي فيلم قصير. إي، أقدر اسمع ضحكاتكم من خلف الشاشه! انا متأكد بنسبه كبيره اني ماراح أسوي هالشي، ولكن جزء مني يقول لازم تجرب على الأقل، وبما إني أحب أجرب كل شي و أي شي، ففكرت اني أعمل سكربت من قصتي بحيث اني اخليه فيلم، أدري، بتقول شهالقصه اللي بتكون حلوه لفيلم، بس في الواقع، أنا قصتي كنت أكتبها على انها مسلسل ( من جد ! كنت أبني كل فصل على انه حلقه قصيره من مسلسل) بس عموماً، صعب اني اسوي هالفيلم، يبيلي كاميرا جيده، ناس مستعدين يصورون و ما “يستحون” انهم يطلعون قدام كاميرا. هالشي ماحبيته احطه في اللسته لأني ما أعتقد اني اقدر أسويه، أو على الأقل مو بالوقت هذا..

+ وأهم شي لازم أسويه، هو اني اقضي وقت ممتع في الإجازه 😀

برجع لهالتدوينه في نهايه العطله ( واللي متأكد انها بتمر بسرعه وماراح ألحق اسوي شي 😦 ) وبتأكد من الأشياء اللي سويتهم واللي ماسويتهم، وبشوف شنو في أشياء سويتها خارج التدوينه هذي.

  •  

Advertisements

5 تعليقات

اكتب تعليقُا
  1. Abdulrhman / يونيو 26 2009 12:34 م

    العنوان يقهر ليش تسرقة :p ، عالعموم ، دام انك نشرت تدوينة عن الاشياء اللي بتسويها في العطلة ( قايل لك انت اخوي من ام ثانية ، نفس اللي في بالي بالضبط -_- ) انا بانشرها بكرة ، تزامنا مع بدا اجازتي .

    شدتني نقطة الرواية ، كنت باعلق عيلها ، وصلت لنقطة الفيلم ، انشديت لها ، لكن وصلت لنقطة المسلسل ، You are THE MAN ! تفكيرك يعجبني من جد ، و صحيح نواجه صعوبة في عمل مثل هالمشاريع ، يا اخي اذا حتى بس بتصور صديقك صورة فوتوغرافيه وتقول له باحطها على النت He freaks out فا شرايك بتقول له بنسوي فيلم وبنحطه عاليوتيوب مثلا ؟ هذا يحرقك لول … فا جدا صعب تلقى شخص مستعد لمشروع مثل كذا … انا شخصيا فكرت بالتمثيل لول ، لكن للاسف ما فيه مكان ابدا ، حتى المدرسة او الكلية ، تقدم لي هالشي … يله معليش ._.

    • Ahmad / يونيو 26 2009 1:25 م

      أنا؟ أنا ماسرقت شي، أنا أصلاً ماشفت فيلم هاي سكول ميوزيكال ولا أعرف الأغنيه اللي تشبه عنواني!

      بالنسبه للروايه، أنا كنت ابي أوصف قصتي على انها روايه بدلاً من قصه، لكن حسيت انها قصه أكثر من انها روايه.. عموماً مافيه فرق في المسميات. وبالنسبه للتصوير، تكفى، مره واحد جيت أبي أتغشمر معاه وقلت له حطيت صورتك بالنت وطلعت في بحث الصور في جوجل، قام يعصب ويقولي مو من حقك وانا الحين شلون بقابل الناس وصورتي بالنت، والحين الناس بياخذون صورتي وبيحطوني بمواقع اباحيه وبلا بلا بلا، من جد يعني منو بيهتم اذا انحطت صورتك بالنت ومنو فاضي يدورك ويحطك في صور اباحيه!

      انا اللي جاب فكره الفيلم القصير في بالي هو لما شفت هذا المقطع :

      الفيلم ابداع، مو قاعد اقول انه لو سويت فيلم بيوصل لمستوى هذا، وما أعتقد أني راح أقدر اسوي مثله الا اذا صرت مخرج سينمائي أو عندي ميزانيه :d

      عموماً، بانتظار تدوينتك … 😉

  2. Abdulrhman / يونيو 27 2009 10:36 ص

    يوووووووه هذا شي احترافي موت ، ما يجي الا بعد دراسه و خبره قوية ،،، تدري ايش حل مشكلة ما في اشخاص يشاركوا العمل ؟ نسوي زي communitychannel !! انا معجب جدا جدا بهالحرمة ، مرة ذكية .

    • Ahmad / يونيو 27 2009 1:17 م

      مادري حاس اني مافهمتك، شلون يعني communitychannel ؟ ومنو هذي الحرمه ؟ :p

  3. Abdulrhman / يونيو 27 2009 4:34 م

    اوه اسف ، هذي قناتها في يوتوب http://www.youtube.com/user/communitychannel ، تعتبر من اشهر مستخدمي اليوتوب ، فيديواتها رهيييييييييييييييييييبة .

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: