Skip to content
مايو 14, 2009 / Ahmad

Change

i-want-change

ما عندي أي فكره شنو بكتب في هالتدوينه، لكن لازم أكتب عن اللي في نفسي، لذا راح أكتب أول شي يجي ببالي.

في الفتره الأخيره صرت أفكر في شي وصار يستحوذ على تفكيري بكيفيه تحقيقه. وهو التغيير ، أبي أغير حياتي، وأبي أغير روتيني اليومي اللي زهقت من تكراره في كل يوم، صحيح الروتين حلو، لكن حلو التغيير وبعدها ترجع للروتين السابق، وهذا اللي أحتاجه الآن.

أحياناً ودي أبتعد عن كل الناس، وفي دوله ثانيه، وأقعد لوحدي لفتره، أدري فكره سوداويه صح؟ بس حالياً بالنسبه لي لأ، لأنه بتحقيقي هذا ( وأدري إني مارح أحققه في المستقبل، أو المستقبل القريب على الأقل) بيتغير كل شي بحياتي، الوقت اللي أقوم وأنام فيه، الأماكن المختلفه العادات المختلفه، طريقه عيشي بتختلف، والناس الغريبين اللي بتعرف عليهم وأطلع معاهم، اتوقع بفعلي هالشيء راح تتغير حياتي كلياً، وبيسرّني فعل هالشيء ولو لفتره قصيره.

مو الروتين فقط اللي أبي أغيره، أبي أغير كل شي، وحرفياً أقصد كل شي لفتره قصيره، أبي ناس ثانيين أتكلم معهم وأطلع معهم، أبي طريقه تفكيري تختلف، أبي الأشياء نفسها اللي أفكر فيها تختلف، أبي هالشي يصير لفتره، بعدها أرجع لحياتي القديمه، يمكن وقتها أقدّر حياتي أكثر.

بعيداً عن الأحلام، أعتقد اللي فوق ماراح يصير في الوقت القريب، لذا، حالياً أبي أحاول أغير روتيني شويه، أبي أضيف أشياء لروتيني، أبي أضيف هوايات ( غير الإنترنت والفيديو جيمز، أبي شي جسدي، رياضه مثلاً بس ما تتعلق فيها الكره –_-“ ) لذا، اللي عنده أي نصائح ياليت يقول لي، أو إذا سبق وغيرت روتينك بشكل جذري ياليت تكلمني عن تجربتك.

Advertisements

2 تعليقان

اكتب تعليقُا
  1. حسن قرين / مايو 15 2009 8:35 م

    هناك رياضات كثيره جميله
    وانصح بالسباحه
    اضافه لفوائدها الكثيره جداً ايضاً هي ممتعه
    وعندك العاب ماتحتاج تعب كبير وفيها متعه خاصه ويا الناس
    مثلاً التنس طاوله(بها كره)
    ايضاً نصائح جديد
    قراءه كتب واخبار والاهتمام بكل جديد
    والفيديو جيمز حاول تلعب نوع جديد من الالعاب خاصه الي تقنع نفسك انك ماتحبهم

    في النهايه خير نصيحه مني
    السباحه مثل ماقلت لك من اول
    وانا ان شاء الله لما تجي العطله الصيفيه راح اسجل
    كنت ناوي اسجل العطله اللي راحت بس ماشائت الظروف

    • Ahmad / مايو 15 2009 9:18 م

      السباحه كانت من هواياتي المفضله، بس أهملتها في السنوات الماضيه وصرت أروح في السنه مرتين أو ثلاثه للنادي علشان أسبح فقط.

      تنس الطاوله والتنس العاديه أمنيتي أتعلمهم، ومن الرياضات اللي أحب أشاهدها بالتلفزيون ( وأنا عادةً ما أحب أشاهد الرياضات بالتلفزيون)

      أقرأ كتب دائماً، والفيديوجيمز أصابني ملل منه في هالفتره، ما أذكر متى آخر مره لعبت -_-“، جربت كل أنواع الألعاب وحالياً مو لاقي أي لعبه شدتني وخلتني أكملها للنهايه، مع إنه في كثير ألعاب حلوه موجوده وكنت في وقت من الأوقات متحمس لها.

      أفكر أسوي مثلك، أسجل في نادي بالصيف للسباحه، إشتقت لممارستها!

      وحياك الله في المدونه أخوي حسن (:

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: