Skip to content
أبريل 27, 2009 / Ahmad

Top 5 TV Shows Intros

1- Dexter

من ناحيه الإخراج، أعتبرها افضل بدايه لمسلسل، بس مو بسبب الأخراج حطيتها بالمركز الأول، بسبب روعه فكرتها، ديكستر يقوم بأفعال عاديه يسويها أي إنسان، لكن الفكره هنا هي إدخال عنصر “الإجرام” فيه، شد رباط حذائه بطريقه تشير إلى الخنق، وطريقته في قطع البرتقال اللي ماراح تخليك تنظر للفيتامين سي بنفس الطريقه بعد اليوم! قس عليها كل إفعاله اللي بتلاحظ إن لها وجهين، هذي هي العبقريه اللي أتكلم عنها.

2- Gossip Girl

– آسف على كواليتي الفيديو+ الصوت، هذا اللي قدرت ألاقيه، مع ملاحظه لما يطلع الرجل ( اللي إسمه دان) هنا المكان اللي يحطون لقطات عن الحلقات السابقه.

ما أكذب أذا قلت أني أحياناً أردد الكلام اللي تقوله، الصوت الرائع لـGossip Girl ( واللي هي Kristen Bell مثلت في veronica Mars و Heroes وغيرها ) وأيضاً اللحن اللي يعلق في المخ على طول، ما أدري، لكن في شي أكثر من هذا خلاه من أفضل البدايات في أي مسلسل، الى أن ألاقيه، راح أكتفي بالسببين اللي قلتهم ( واللي كافيين بالنسبه لي 😀 )

3- The big Bang Theory

الأغنيه الرهيبه، وسرعه ظهور الصور بطريقه حلوه، تخلي مشاهده البدايه في كل مره تجربه غير، وكأنك أول مره تشوفها.

4- The Simpsons

منو مننا ماشاف بدايه مسلسل سيمبسونز؟ علشان جذي قلت أحط مقارنه بينها وبين اللي سووها للواقع :p

نترك اللحن، والكوميديا في بدايه المسلسل، الإبداع هنا في تغير البدايه بشكل دائم، وبطريقه حلوه، سواء كان الكريسماس، الإنتخابات، الهالويين، وغيرها من المناسبات اللي يغيرون فيها البدايه، ومن دون مناسبه أيضاً نلاقيهم يغيرون البدايه، وبشكل ممتاز أيضاً.

5- The Fresh Prince of Bel-Air

اذا كان في أغنيه تعلق براسك بشكل أسرع من هذي أتمنى أحد يجيبها لي !

أخرى لم تجد لها مكان في القائمه

Jericho

تبدو كبدايه عاديه، بس شنو المميز فيها؟ في كل حلقه كود مورس اللي يتغير في كل حلقه، ذكاء جداً منهم في وضع هذي الحركه، الفكره أعجبتني جداً وماقدرت ما أحطها هنا، أيه وبالمناسبه، علامه جوجل حالياً مكتوبه بالمورس كود.

أوكي، قلت الأفضل عندي، شنو الافضل عندك؟

Advertisements

5 تعليقات

اكتب تعليقُا
  1. Abdulrhman / مايو 1 2009 11:59 م

    Kristen Bell هي صاحبة مدونة بنت الحش (&) ؟ تحمست للمسلسل x2 ، لاني تابعت الحلقة الاولى بس و في الحلقة الاولى ما كشفت هويتها …

    بالنسبة لي ، هممممم ، انترو فريندز ( اكثر انترو سمعته في حياتي وذكرياته كثيرة )

    مجرد مشاهدتك للقطات تضحك !
    وشوف ايش عملوا فيه بطريقة ذكيه ورهيبة :

    ايضا Popular

    اوكي دمعتي بتطيح X_X ، اموت على هالمسلسل ، مسجلها على VHS لول . هالمسلسل عجيب ، قاعدة معجبين صغيره لكن تموت عالمسلسل ، تقاييم مرتفعه ، احداق روعه و قوية ، في النهاية يلغوه بسبب قرارتهم الغبيه !11!!11! ودي اسبهم بس اخاف تحذف ردي لول . يكفي السب اللي جاء للشركة المنتجه في جميع مقاطع المسلسل في اليوتوب لول .

    • Ahmad / مايو 2 2009 1:42 ص

      OMG ، تحب Popular بعد؟ أنت الآن رسمياً صديقي الصدوق، ياخي هالمسلسل هو أفضل شي سوته البشريه، أتذكر الحلقه اللي يسوون محكمه، ولا الحلقه اللي ينحبسون فيها بالحمام ويقولون أسرارهم، ودي أشتري المسلسل وأطالعه من جديد.

      و Gossip Girl لازم تطالعه، بما إنك تحب نوعيه المسلسلات هذي مثلي فمتأكد إنه بيعجبك.

  2. Abdulrhman / مايو 2 2009 2:21 ص

    أقسم بربك انك تحب Popular * يكمل ردك * OMG !!!!!!!!!!! يلعن بليس ، تعرف المسلسل O_O ! ياخي من اكلم شخص عن هالمسلسل ماحد يعرفه -_- ، انا تابعت الموسم الاول مرتين ( في Dubai one و MBC4 ) والموسم الثاني تابعته في MBC4 والى الان ما اكتفيت منه ،،، تصدق من حبي للمسلسل راسلت MBC مرتين اطلب منهم اعادة المسلسل ولا حياة لمن تنادي . وايضا قلت بافتح مدونة Fans للمسلسل لول … و حتى انت تبقى المسلسل مثلي ، طبعا التحميل انسى ، مافي seed ، فما اعندك الا الطلب الخارجي ، شي صعب بالنسبة لي 😦 ، لكن عاجلا ام اجلا شاري الموسمين ،، Mark my words .

    • Ahmad / مايو 2 2009 2:44 ص

      تباً، حمستني للمسلسل ): ، تدري شلون؟ بنروح عند مقر القناه ونلف نفسنا بقنابل ( أي، مستعد أصير إرهابي علشان هالمسلسل) و نطالب بإنه اذا ما سووا موسم جديد بنفجر نفسنا.

      عاد خوفك يقولون لنا أوكي بنسوي موسم جديد، ويقبضون علينا، وبعدها مايسوون الموسم الجديد. بعدها فعلاً بفجر نفسي من تعبي بالتخطيط اللي راح عالفاضي -_-“.

      لول كافي أحلام، اما بالواقع، كومار DVD بينتظر مني إتصال يجيب لي popular بأسرع وقت ممكن، راح أدعي ربي أنه يكون موجود عنده.

      • Abdulrhman / مايو 2 2009 2:51 ص

        الله يعين ، بالنسبة لكومار ، اتمنى انه يساعدك ، لاني بحثت عنه حتى خارج السعودية ومالقيته للاسف ، ياخي لقيت عنده كل حاجة الا popular .

        تبقى تشاهده ، اليوتوب ، المسلسل بالموسمين مرفوع بالكامل عليه .

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: