Skip to content
أبريل 20, 2009 / Ahmad

معرض الكتاب

book-lending-2swap

دائماً لما أسمع “معرض الكتاب” يجيني حماس، أحس إنه ودي أروحله بسرعه وأشتري اللي أقدر عليه من الكتب، نفس الحماس جاني لما قالوا لنا في المدرسه انه بنروح رحله لمعرض الكتاب، طبعاً على وجهي طلعت 100 علامه تعجب، شلون بنروح لمعرض الكتاب وهو خلص شهر 12 الماضي، بالأخير أقنعت نفسي إنه فيه معرض كتاب ثاني بس ما سمعت عنه.

جيت اليوم الثاني متحمس، ولأول مره في حياتي اداوم المدرسه وعلي امتحان إجتماعيات وأكون متحمس ! – يبي لها تتسجل في تاريخي – ، المهم ، لما خلصت الإمتحان وجينا نبي نروح للمعرض، قعدت أفكر في الكتب اللي أبي أشتريها، واللي ما أبي أرجع بدون ما أشتري 80% منهم، نص ساعه مضت، وصلنا لمكان المعرض واللي كان … ثانويه ؟!!!!

قعدت أقول حق نفسي هذي نكته، ولكن كل ما أكمل المشي كل ما أتأكد انها مو نكته، العلامات على جوانب المدرسه، و كلمه “ معرض الكتاب الثاني” مطبوعه، قلت يمكن شي يستاهل، دخلت الى المعرض، وهنا كانت الصدمه، مسرح صغير، مجتمعين فيه مجموعه صغيره من بائعي كتب للأطفال، و القرطاسيه، وكتب من نوع “ أفضل 100 نكته، 25453 رساله للجوال، قصص قصيره مرعبه لن تدعك تنام ليلاً..الخ”، الشي الوحيد اللي لقيته يستاهل هو حقيقه الخديعه لـ دان براون، واللي استغربت وجوده بين كومه كتب الأطفال، بغيت آخذه، لكن حجمه كبير وماأعتقد أخلصه هالفتره + بعد ماتحمست للمعرض كان لازم اروح لجرير فقلت اشتري من هناك أحسن.

لذا الدرس اللي نتعلمه هنا هو …. في الواقع مافي درس بس يمكن أفكر في درس……. أوكي، لقيتها، لا تتحمس لشي أكثر من اللازم، ولا تبني توقعات كبيره على أي شي مهما كان. أدري الدرس مو متعلق بشكل مباشر بالتدوينه، بس درس أحسن من شي بدون درس “ أعذروني جو الأمتحانات”

Advertisements

3 تعليقات

اكتب تعليقُا
  1. Abdulrhman / أبريل 20 2009 11:29 م

    لوول توقعتك بتقول كذا XD … احباط ياخي لول ، اجل بارك لي :

    • Ahmad / أبريل 21 2009 2:29 م

      مبروك، وقولي رايك بحقيقه الخديعه، صفحاتها كثيره شوي وعريضه، ما أبي أقراها وتطلع ما تستاهل، ولو ان النبذه اللي ورا عجبتني.

  2. محمد / أبريل 21 2009 9:11 ص

    هههههههههههههههههه
    والله مت ضحك
    رحمتك يا احمد بالله لا تتحمس مرة ثانية هههههههههههههه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: