Skip to content
أبريل 9, 2009 / Ahmad

Randomness

R A N D O M N E S S .

______________________________________

  • + الحياه ممله بدون إنترنت، إسألوا واحد قعد ثلاثه أيام بدون إنترنت. مع إنه الإنترنت نفسه ممل هالأيام، بس يبقى ما أقدر اتخلى عنه.
  • + قاعد أنزل الحلقه الأولى لكل من Dead Set و Jericho ، أدري عندي حلقات كثيره ومسلسلات كثيره أخلصها قبل لا أبدأ مسلسل جديد، بس ما أقدر، التورنت لازم يكون فيه شي يحمّل ولا ما أقدر أرتاح P:
  • + أمس شفت الحلقه الأخيره من Damages الموسم الثاني، واو الحلقه رهيبه، ولو إنه كان بعض التفسيرات عبيطه شوي، بس يبقى الموسم ككل كان إبداع، أنصح كل واحد وده بمسلسل رهيب وبجو “ظلامي” وخفيف (13 حلقه لكل موسم) يشوفهن وماراح يندم.
  • + إسم المدونه ودي أغيره، A7mad Blog تحسه إسم عادي، ودي بشي حلو، شي Creative مثل مايقولون، بس للحين مافيه شي ببالي –_-“

  • + قاعد أقرأ روايه “الهارب” في الوقت الحالي، أحس فيها شي غريب، مع إنه مافيه أحداث صارت وأنا في أول الروابه، لكن تحس إنك تبي تقرأ الروايه كلها مره وحده، فيها شي يشد، يمكن إسلوب الكاتب، ول إنه أسلوبه ما عجبني في روايته “الهاتف الجوال”، متحمس أروح أكمل قراءه!
  • + أغنيه رهيبه، سمعتها في إحدى الحلقات في Grey’s Anatomy، أغنيه حلوه و “رايقه” على قولة أخواننا السعوديين، تنفع لأجواء المطر في هاليومين.

Click Me

  • + صوره كل ما أشوفها تخليني أحزن، نظره القرد للأطباء تعور القلب.

001143210a6b0b35834318

صورة بعنوان “حيوانات للتجارب” التقطها ليو كايدا تفوز بالجائزة الذهبية في فئة الأخبار الاقتصادية والعلمية والتكنولوجية.

Advertisements

6 تعليقات

اكتب تعليقُا
  1. Abdulrhman / أبريل 9 2009 9:21 م

    – اوف tell me about it ، بغيت انجن يوم جلست اسبوع بدون نت !
    – مدمن داونلود (&) ، كم اتصالك ؟
    – i will google it
    – اممممم ، شرايك باسم R A N D O M N E S S ؟ لول
    – الهارب قرات 70% منها … رجاءا ، لاتجوجلها ! رجاءا !!! خلصها ” بعدين ” اقرا الانطباعات .
    – حقت مزاج هع
    – الصورة تقطع القلب i_i ، ياخي من جد ودي اعمل جمعية حقوق الحيوان عندنا ( طبعا بس مو زي حقت بلاهة امريكا ، اللي حتى لو سب قطوته سجونه عشرين سنة XD )

    • Ahmad / أبريل 9 2009 9:28 م

      سرعه إتصالي مو عاليه وايد، 512 كيلو
      إسم حلو P: ، و فكرت في Dear Blog على وزن Dear Diary لول
      لا تخاف، ما أحب أقرأ إنطباعات عن أي شي قبل ما أخلصه، ياخي يرمونك بسبويلرات ولا كأنهم يدرون، خصوصاً الأجانب. بس أستثني الألعاب، أحب أقرأ الإنطباعات عنهم حتى لو ما شريتها إلى الآن.

  2. Midoxp / أبريل 9 2009 9:49 م

    انا معاك في تغير الاسم بس انا اشوف معظم التدوينات الشخصية تكون باسم الشخص واكثرها ناجح
    عموما شد حيلك ودورلك اسم حلو

  3. MD3 / أبريل 10 2009 6:13 ص

    Damages مسلسل جيد ، انهيت الموسم الأول منه وأجلت مشاهدتي للموسم الثاني لما بعد إنهائي لبعض المسلسلات المختلفة ، وكنت اتمنى انه يقف على موسم واحد لأني بديت أتشائم من أي مسلسل متعدد المواسم !

    مدونة أحمد ، تحسه إسم لبقالة خخخ ، امزح معاك يبو حميد ، العنوان واضح وأظن كثير يدورون فرصة الحصول على الأسماء المجردة لمشاريعهم و الله يوفقك للأفضل .

    • Ahmad / أبريل 10 2009 1:58 م

      المسلسل تقريباً محافظ على مستواه في الموسم الثاني، لكني شخصياً أفضَل الموسم الأول على الثاني.

      الله يسامحك، الحين مدونه أحمد إسم بقاله 😦 ، بس فكره، أفتح بقاله وأسميها بقاله أحمد، وبعدها شركه إسمها شركه أحمد، ومنتجاتي كلهم مكتوب عليهم أحمد (&) . طبعاً ماراح أنسى أحط لك كلمه شكر على الفكره في كل شي أسويه P:

      الله يوفقنا أجمعين، وحياك الله في المدونه

  4. TDS / أبريل 11 2009 1:00 ص

    صورة القرد… : (
    أسم المدونه اتفق معك Generic وبقوه (&) معليش بس لازم نلتزم بالصراحه في النقد.
    الاسم اللي اقترحه عبد الرحمن ممتاز!

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: