Skip to content
مارس 26, 2009 / Ahmad

كومار DVD

dvd-player

واحده من أفضل الأشياء اللي سووها من وقت طويل، فقط من مكالمه واحده على هاتف كومار دي في دي تلاقيه واصل الى باب بيتكم، معاه شنطه سفر P: ( فعلاً ما أمزح ! ) ومليانه أفلام من العصر الحجري الى الآن، كل شي تبيه بتلاقيه بهالجنطه ( اللفظ الكويتي للشنطه ) ، من زمان وأنا أتعامل معاهم ومريحين جداً ويبيعون الـDVD الواحد بـ0.5 دينار ( دولار ونصف تقريباً )

ولما أقول أتعامل “معاهم” فأنا أقصد جماعه ضخمه من الآسيوين متنكرين جميعاً تحت إسم ” كومار DVD ” بحيث أنه كل ماتدق على أحد تقوله كومار يدق عليك نعم، لدرجه اني بديت أشك انه الكل صار أسمهم “كومار” .

كومار قاعد يتطور يوم ورا يوم، في البدايه كان فقط للأفلام، وبعدها بدأ يجيب مسلسلات، اما الحين  ( وهي النقله الأكبر له ! ) صار يجيب مكياج :p ، فعلاً، تلاقيه يعطيك كروت مكتوب عليه ” مكياج – أفلام سريد ( واللي اكتشفته بعدين إنه معناتها شريط ! )، الله يستر من القادم، بس اللي أتمناه هو أنه يصير يجيب العاب 😀 .

هذي التدوينه جت من إنتظاري له حتى يجي البيت، فاللي زهقان وقاعد بالكويت يدق على واحد منهم ، أما اللي من خارج الكويت وماعندهم هالـ”خدمه” يدعي ربه انه يسوون هالشي، لأنه وقتها بتعرف فايده “كومار DVD “

Advertisements

2 تعليقان

اكتب تعليقُا
  1. Abdulrhman / مارس 26 2009 7:03 م

    OMG Thats Cool !! لو عندنا ذا كان سكن في بيتي من كثر ما اطلب منه لول …… بس طبعا هذا شغله غير شرعي فا ممكن يكبشوه ويروح في ستين داهية ، لاني على ما اتوقع السعودية و الكويت بدأوا يحاربوا القرصنه . او على ما اظن كذا (&) .

    • Ahmad / مارس 26 2009 7:41 م

      صحيح يحاربون القرصنه، وكثير ناس يدقون عليهم ويسلمونهم للشرطه، ومرات ” واللي يكون فعلاً حقير” يقوله عطني كل أفلامك ولا أبلغ الشرطه، ولأنه لو مسكوه الشرطه ممكن يسفرونه، فيرضى بالأمر الواقع ويعطيه الأفلام ( لا تسألوني ترى ماسويتها، بس تصير)

      أنت لو تشوفه، كل شوي يتلفت وراه، وأذا باب انفتح تلاقيه يرتعب، لما أشوفه جذي أشفق عليه، واحقد على الناس اللي يسوون فيهم هالحركات.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: