Skip to content
مارس 13, 2009 / Ahmad

حفله أليسا

elissa

من بدايه ليالي فبراير ( واللي المفروض فعلاً تتسمى ليالي مارس، شلون ليالي “فبراير” في شهر مارس؟ :S ) وانا متحمس لحفله اليسا، و – أي – انا فان لأليسا، هي واحده من المغنين العرب اللي أحب اسمع اغانيهم دائماً، البومها الأخير كان اكثر من ممتاز، كل اغاني الألبوم كانت رهيبه، ماعدا “بتمون”.

المهم، حاولت اني احصل التذكره لهذه الحفله، دشيت موقع المهرجان على أمل انهم يبيعون التذاكر على الأنترنت، بس على مايبدو انه هالتطور ماوصل لهم للحين، دورت على مراكز بيع التذاكر وقررت اروح لواحد من هالمراكز في اليوم التالي، رحت للمركز في الساعه التاسعه مساءً تقريباً، وانصدمت انه المركز مغلق ! شدعوه، لو انه دجاج كان سهر اكثر! ، قلت اروح اليوم اللي وراه لمركز ثاني، وفعلاً رحت، ولحسن الحظ هالمره كان المركز مفتوح، بس في نفس الوقت لسوء الحظ انه التذاكر الخلفيه انباعوا، ومابقى الا كراسي الـVIP  سألته وانا متحمس : و بكم كراسي الـVIP ؟ رد علي بكل برود : من 150 الى 250! انا وجهي صار ما يتفسر ، شسالفه، 150 سعر تذكره ! وبما اني ماكنت مستعد ادفع هالمبلغ علشان فقط ثلاث ساعات، ففقدت الأمل وقلت ماكو فايده ماراح اقدر اشوف الحفله.

بس قبل الحفله بيومين جاني الأمل، وهذا بعد مادق علي تلفزيون الوطن ويقولي انك فزت معانا لحفله أليسا ، شاهد تلفزيون الوطن اليوم لمشاهده اسمك، وانا وبكل أمل وفرحه قعدت اطالع التلفزيون انتظر اسمي، انتظر، وانتظر …… وأنتظر.. بس ماكو فايده، اسمي ماطلع، اتصلت عليهم ثاني يوم، قالولي: آسفين ماطلع اسمك بالسحب، رديت عليه بأنه امس قالي انه انا فزت، قالي: آسفين على سوء التفاهم، كان قصدنا أنه فيه سحب على اسامي واسمك كان يمكن يطلع، بس للأسف ماطلع، قلت في داخلي: تباً ! -_-“

والآن وبكل حزن، قاعد اطالع الحفله على التلفزيون، بعد عده محاولات اني ادخل هالحفله، بس مالي نصيب فيها، بس الشي الغريب انه صوت اليسا مزعج شويه، وفيه نشاز، غير عن لما تسمع الأغاني في السي دي، اعتقد المهندسين الصوتيين سوو شغلهم مع صوتها لما سجلته P:

Advertisements

5 تعليقات

اكتب تعليقُا
  1. Abdulrhman / مارس 21 2009 2:38 م

    ياخي ….. 1500 مرة وحده ؟ اوكي و التذكره العادية كم سعرها بالغالب ؟

    ياخي ….. امنيتي يجي Akon و يعمل حفله ( طبعا مو في السعودية ،،، هذي احلام احلامنا تصير XD ) التذكرة لو بـ500 شريتها ! يستاهل .

  2. Ahmad / مارس 21 2009 2:45 م

    10 دنانير، 130 ريال تقريباً، بس هذي احلامك تحصلها، من قبل مايعلنون عن الحفله تلاقيها محجوزه P: هي و اللي قدامها من الـ15-30 دينار.

    Akon ؟! ما أسمعله، لا هو ولا Usher قدرت اسمعلهم واللي من طقتهم، نوع أغانيهم مايعجبني وأحس فيهم شي مو مضبوط ! الوحيد اللي احب اسمعله هو Ne-Yo

  3. Abdulrhman / مارس 21 2009 3:23 م

    ياخي Akon ……… غير ،،، اعتبره احد الفنانيين النادريين و المتميزين في عملهم ، و احسن شي انه مسلم .

  4. Ahmad / مارس 21 2009 3:25 م

    واات؟ هو مسلم ؟!

    مو باين عليه :/

  5. Abdulrhman / مارس 22 2009 1:17 م

    http://en.wikipedia.org/wiki/Akon

    للسرعه ، ابحث عن Muslim

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: