Skip to content
مارس 6, 2009 / Ahmad

Randomness

R A N D O M N E S S .i

u___________________________________

أولاً ، اعتذر عن تقصيري في المدونه في الفتره السابقه، أدري انني أكثر من مره اعتذر عن هالشي، بس احس انه ماعندي شي أقوله، أو شي يستحق الكتابه عنه، لذلك تدويناتي قليله، والسبب هو ان المدونه مالها تخصص محدد، يعني المجال مفتوح لي اكتب عن اي شي، وعلى قدر مايبدو هالشي للقارئ انه اسهل في الكتابه، الا أنها اصعب بكثير، بالنسبه لي المدونه التخصصيه افضل، تعرف شنو اللي تكتب عنه، وتعرف المكان اللي تدور فيه عن مواضيعك وشنو اللي ينتظره قرّائك منك، وعلى عكس المدونه اللي مالها تخصص، بحيث انك ماتعرف عن شنو بالضبط تكتب، لذلك، بالنسبه لي هالشي تحدّي،تحدّي في اني اكمل على المدونه وانجح فيها، واني اقدر اقدم للقارئ شي يستمتع فيه،وأتمنى اني أكون قد هالتحدي.

+-+-+-+-+-+-+-+-+-+-+-+-+-+-+-+-+-+-+-+

تباً لهذه الأغنيه، صارلها اسبوع كامل عالقه بمخي، نزلتها في البدايه بسبب حبي لمسلسل Grey’s Anatomy وبعد فتره من سماع الأغنيه صرت مو قادر اطلعها من راسي، الأغنيه حلوه نوعاً ما، ولو اني أول ماسمعتها كنت اشوفها سخيفه، بس بعد فتره من سماعها عجبتني.

Listen Here

+-+-+-+-+-+-+-+-+-+-+-+-+-+-+-+-+-+-+-+

قبل كم يوم شفت فيلم The Reader ، سخيف بكل معنى الكلمه، من أول الفيلم لنهايته تتساءل شنو سالفه الفيلم؟ وشنو الفكره اللي بيوصلك اياها؟وطول الساعتين اللي تطالعهم بتحس فيهم بممل مو طبيعي، وبالأخير تجي نهايه سخيفه تخليك تتحسف انك شفت الفيلم-_-“

+-+-+-+-+-+-+-+-+-+-+-+-+-+-+-+-+-+-+-+

الأنترنت صاير ممل جداً هالأيام، مافيه شي يستحق القراءه، لولا كم موقع كان اعتزلت الأنترنت من مده!

+-+-+-+-+-+-+-+-+-+-+-+-+-+-+-+-+-+-+-+

خلصت قبل كم يوم روايه ” كتاب القدر” لـ براد ملتزر، رهيبه، ولو انه في البدايه تحس نفسك متلخبط وماتدري شنو فايده اللي قاعد تقراه، ولكن بعدين الخيوط تجتمع مع بعضها.

ناوي اكتب عنها تدوينه منفصله قريباً.

+-+-+-+-+-+-+-+-+-+-+-+-+-+-+-+-+-+-+-+

لقطه رهيبه

https://i0.wp.com/www.almumen.com/Gallery/albums/userpics/10001/normal__MJM2515.jpg

من مدونه محمد المؤمن

+-+-+-+-+-+-+-+-+-+-+-+-+-+-+-+-+-+-+-+

وسلامتكم 😀

Advertisements

4 تعليقات

اكتب تعليقُا
  1. Midoxp / مارس 7 2009 1:14 ص

    اهلين احمد ممكن تكتب المواقع الي تتابعه والي منعتك من اعتزال النت
    معليش بس فيني لقافة ودي أعرف
    يسلمو

  2. Ahmad / مارس 7 2009 1:26 ص

    احم… اللي قلته كان شي مجازي، مستحيل في اي وقت من الأوقات اني اعتزل النت وما أدخله، الا اذا طلع شي أفضل منه.

    عموماً، هذي المواقع اللي اتابعها بشكل يومي، اسثنيت منها المواقع المعروفه مثل ويكيبيديا و يوتيوب وجووجل اكيد.

    http://www.axisia.net
    منتدى جداً ممتاز، ممتع واعضاءه رهيبين.

    http://www.true-gaming.net
    موقع ومنتدى ممتاز في أخبار الفيديوجيمز، عندي بعض التحفظات عليه واللي منعتني اني اشارك فيه، بس يبقى منتدى سوا اشياء كبيره وحلوه.

    http://www.gamer-w.com
    مدونه عبدالرحمن، مدونه جداً ممتعه، وطريقه سرد عبدالرحمن للأخبار تجعل من المدونه مكان ممتاز للأخبار.

    بعد ماشفت مواقعي واللي ينعدون على الاصابع، شفت ليش قلت لك ان النت صاير ممل وقليله المواقع اللي تستاهل المتابعه؟
    بالمناسبه، شنو هي مواقعك اللي تتابعها يومياً، يمكن نستفيد منها 😀

  3. Abdulrhman / مارس 8 2009 6:56 م

    اول شي : افقع وجهك تقول ماين ثيم جريز اناتومي بايخ :@ ؟ انا اكرهك (&)
    ثانيا : مدونتي تخليك تحب النت ؟ I Love you man <–ماسرع يقلب

  4. Ahmad / مارس 8 2009 7:19 م

    وات؟ اجل طلعت تتابع جريز اناتومي؟ والماين ثيم رهيب، بس يكرهك حياتك لما اللحن يعلق براسك وتقعد تغني الاغنيه طول الأسبوع

    و لأ ، مدونتك ما خلتني احب النت، كنت اجاملك 😛
    يعني بالله ما كنت تدري اني متابع مدونتك دائماً ؟ You Rock !!!! ، أحم … آسف على الدخله الغريبه، المهم ، بالمناسبه، حدّث مدونتك أكثر، اشتقت لتدوينك السريع مثل قبل، الحين صارت تدويناتك بالقطاره<<< شوف منو يتكلم -_-“

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: