Skip to content
فبراير 27, 2009 / Ahmad

The 35 Things I Hate

hate

هذي فكره شفتها في أحد المدونات من فتره طويله وأعجبتني، بس للأسف نسيت المكان اللي شفته.

المهم، منو فينا مايحب يتذمر عن الأشياء اللي يكرهها، لكن هذي المره، تذمّر بس على طريقه منظمه أكثر 😛  اذكر كل شي تكرهه في مدونتكوضع رابط مدونتي في مدونتك حتى اعرف منو اللي عمل هالشي، او العكس، ضع رابط تدوينتك هنا في التعليقات حتى أقدر اشوف اللي سويته.

  1. اكره الأسئله السخيفه، مثل اللي يدق عليك بنص الليل ويقومك من النوم ويسألك بكل برود : انت نايم؟
  2. اكره اللحوم ( اي، انا نباتي -_-“، في الحقيقه انا ما أكرهها كثير، وناوي اتغير في القريب العاجل حتى اصير آكل لحم )
  3. أكره اغاني الميتل، أو الأغاني اعاليه واللي فيها صراخ كثير.
  4. أكره البنت اللي تتدلع بصوتها، وقتها يجي ببالي ادخل ايدي في رقبتها واشلع احبالها الصوتيه!
  5. اكره اللي يستعبطون بوقت دائم، والمشكله ياليت تكون الأشياء اللي يقولها تضحك
  6. أكره الحر،والجو المشمس، الشتاء هو الفصل اللي اتمناه مايخلص ابداً.
  7. أكره حياتي الروتينيه، ودي اسوي اشياء ممتعه أكثر في حياتي، لكن لابد من الروتين في الحياه.
  8. أكره اني قاعد أواجه صعوبه في التفكير في الأشياء اللي أكرهها
  9. أكره الأمتحانات، والفتره اللي تكون فيها الأمتحانات، والفتره اللي تسبقها، المدرسه احبها ( اي، اللي قريته صح احب المدرسه ولكن مو بوقت الأمتحانات )
  10. اكره انه صار مالي نفس العب، وكل ما اقرب عند الجهاز تنسد نفسي، واني ما أقدر اكمل ساعه لعب حتى احس نفسي زهقت، حاس نفسي راح اعتزل الجيمز قريباً -_-“.
  11. أكره النهايات البايخه، نهايه بايخه تعني لي كره الشي كله سواء كانت لعبه او فيلم او روايه، وأكره ايضاً النهايات السعيده! مافي شي افضل من النهايات الحزينه
  12. أكره ان العرب متأخرين عن الدول المتقدمه ، وأكره اللي دائماً يتكلمون عن تاريخ العرب والمسلمين ، أوكي أكيد لازم نفتخر بتاريخنا ونتذكره، لكن التفكير في المستقبل بشكل اكثر اكيد بيكون أحسن من تذكر الماضي.
  13. أكره اللي دائماً ينسبون كل شي غريب أو جديد الى المؤامره ضد الأسلام والعرب، امسلسلات والأفلام: مؤامره ضد العرب، لبس الجينز: مؤامره لنشر الفجور ، الأكل : مؤامره علشان تخلي العرب وزنهم زائد (&)
  14. أكره ان سرعه الأنترنت عندنا سيئه، وفوق هذا اتشارك مع ثلاث أخوان هذه السرعه، وقتها انت تخيل حجم السرعه اللي راح يحصلها الكمبيوتر الواحد، خصوصاً أخواني -وأنا- من النوع اللي يحمل تورنت دائماً.
  15. أكره الذهاب للحلاق، ما أدري شنو السبب لكني ما أروحله الا لما يكون شعري صار كثيف ومايبقى عندي مفر غير اني أروحله.
  16. أكره الناس اللي يمشون في الشارع ويعلون الأغاني بأعلى صوت في السياره، اوكي عرفنا ان بالسياره فيه مسجل!
  17. أكره المجمعات التسوقيه لما تكون فاضيه (( أي ، أحب الزحمه ، احس انه فيه حياه في المجمع، بس ما اقصد الزحمه اللي مبالغ فيها ))
  18. اكره العاب الكاجوالز، في وقت سابق كنت متخيل اني ممكن اتقيلها خصوصاً اها – حسب تفكيري سابقاً- انها تعتمد على المتعه، ولكن بعد ماشريت الوي، اقولها بكل ثقه، أكره العاب الكاجوالز
  19. أكره الهايب الكبير، في العاب كثير كرهتها بسبب الهايب المبالغ فيه ( وينك يا فيبل 1 و بيوشوك 😦 ))
  20. أكره الكوره، واللي دائماً يتكلمون عن الكوره، ما أدري شنو الشي اللي ممكن يعجب الناس في مجموعه من الأشخاص يركضون مثل الأغبياء وراء كوره!
  21. أكره اللي يتمشون في المجمعات والشوارع ويفتحلك أزرار قميصه، يعني شوفوني عندي عضلات -_-“
  22. أكره الأشخاص اللي يتمصخرون دائماً ويعيبون على خلق الله.
  23. أكره الألعاب الطويله، الألعاب اللي بحدود 9 – 15 ساعه هي اللي احبه، باستثناء الأربي جي، ولو اني أكره لما يكون طويل بشكل مبالغ فيه.
  24. أكره الألغاز الصعبه، في الواقع أكره الألغاز كلها، أحس راسي يصدع ودماغي تعورني ونفسي اذبح اللي عمل هاللغز ( سواء في الألعاب أو الألغاز اللي في الواقع)
  25. أكره انه في اشياء كثيره في بالي ودي أسويها لكن مافي وقت اسويها فيه، تنظيمي لوقتي غلط.
  26. أكره اني مو أجتماعي، وانه يبيلي وقت كثير حتى اتعود على شخص واصير اتصرف معاه بشكل طبيعي.
  27. اكره ماده الأجتماعيات ( الجغرافيا) عندي كل المواد مع بعض اسهل من الاجتماعيات.
  28. اكره اللاق، واكره الانترنت لما يصير بطيء لدرجه لو كانتنمله كان مشت اسرع من شريط تحميل الصفحه!
  29. اكره انه يومي كله يضيع على الأنترنت -_-“
  30. لما أحد يدخل الغرفه، ويطلع ويترك الباب مفتوح.
  31. اكره اللي يسكر الخط في وجههي وانا للحين ماقلتله مع السلامه -_-
  32. اللي ياخذ شي ولا يتعب نفسه يقول “شكراً” ، ادري انه المفروض الواحد يعطي بدون انتظار الشكر، لكن شي حلو انك تعرف انه اللي عطيته مقدّر الشي اللي عطيته اياه.
  33. انك تكون مندمج في شي، فيلم او لعبه أو مسلسل، ويجي يتكلم على راسك ومايسكت، و لأ مايجي هالشخص الا على نهايه الفيلم أو المسلسل !
  34. السؤال عن شي تعرف اجابته، حركه مزعجه بشكل مو طبيعي.
  35. أكره اني قاعد اتكلم عن الاشياء اللي اكرهها قدام ناس يمكن مايهمهم هالشي اطلاقاً.

أوكي، خلصت، احس اني قلت كلام كثير، ومالي خلق اطالع القائمه مره ثانيه وأعدلها، اي خطأ صححها في مخك وبعدها اقرأ الكلمه عدل D:

الحين دوركم ياللي تقرون هالمدونه، شنو الـ35 شي اللي تكرهونه؟

Advertisements

3 تعليقات

اكتب تعليقُا
  1. Midoxp / فبراير 28 2009 11:27 ص

    بصراحة يا ابو حميد انا اوافقك الرأي في معظم الي قلته بس في نقطة لا اوافقك بشدة وهي

    كره الكوره، واللي دائماً يتكلم

    ون عن الكوره، ما أدري شنو الشي اللي ممكن يعجب الناس في مجموعه من الأشخاص يركضون مثل الأغبياء وراء كوره!
    الكورة رياضة (طبعا اقصد الدوري الاوروبي) فيه كثير من اللمسات الفنية والاستعراضات و الهارات
    وصفك ان ناس تجري وراها مثل الاغبياء بصراحة يدل على عدم وعي كامل
    انا شفتك بديته الجملة صح وقصدت المتعصبين في الكورة صح هذولي الاغبياء لكن لاعبين الكورة و الرياضين اغبياء
    اسمح لي …… نووووووووووووو

    ام ثاني شي لفت انتباهي هذا الشي

    انك تكون مندمج في شي، فيلم او لعبه أو مسلسل، ويجي يتكلم على راسك ومايسكت، و لأ مايجي هالشخص الا على نهايه الفيلم أو المسلسل !

    انا طايح في شلة مايعرفون يشوفون فلم ابد لازم تسمع تعليقات سخيفة و الاغباء انهم يضحكون
    يعني من جد والله نكون متحمسين وشاريين الفلم ومندمجين وبعدين تسمع ذب وتعليقات سخيفة و الله يجننوووووووووووووني
    واقرب شي
    من اسبوع انا تعبان وخلاص قاعد اختم متل جير وتبدى القصة و المشاهدة الاخيرة المؤثرة بس للاسف ما خلوني استمتع فيها
    انواااااااااااااع الضحك
    الناس قاعدة تموت في المشهد وهذووولي انواع ذب
    من جد ما ادري كيف مسكت اعصابي
    يسلموو احمد على الموضوع

  2. Ahmad / فبراير 28 2009 3:16 م

    أوكي، أنا آسف شكلي بالغت بالوصف، بس الكوره صارت تزعجني بشكل كبير، وين ما أروح القى ناس تتكلم عن الكوره، ويتهاوشون مع بعض، ويتابعونها 24 ساعه، كأنه شغلهم الشاغل هو الكوره، عن نفسي ماعندي مانع اتابعها ( كنت اتابع المباريات في خليجي الماضي ) ، لكن الشي اللي يزيد عن حده ينقلب ضده، وفيه ناس – موكلهم – مكبرين من حجمها ويتعصبون لها بشكل مزعج ومثير للضحك في وقت واحد.

  3. Abdulrhman / مارس 8 2009 7:08 م

    تكره اللحوم ؟ماتاكل همبرجر و بروستد ..الخ ؟ انا ما استغني !
    بالنسبة للنهايات البايخه ، تقهر ، جدا تقهر ! لكن يشفع لها لو كان المسلسل\الفيلم\الانمي مستواه مرتفع في باقيه .
    بالنسبة للالعاب الطويلة ، ياخي حتى الاربيجي اتمناه قصير ! بشكل عام احبها قصيرة و يكون فيها ريبلاي فاليو عالي ! معادلة بيرفكت لي .

    بالنسبة للي يقاطعك في فيلم ، OMG XD ، المشكلة ان الوحيد اللي يعمل هالشي هي الوالدة الله يحفظها . تدوينة جميلة ، افكر اكتب عنها لكني شخص احب كل شي <–ya right

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: