Skip to content
فبراير 1, 2009 / Ahmad

The Week’s Recap

writing

تسأل شنو هذا؟ هذي فرصه لي لأتكلم عن خلاصه الأسبوع اللي مريت فيه، الأشياء اللي سويتها، وآرائي وأنطباعاتي عنها.

بتقول لي:  شنو بيهمني من تفاصيل حياتك الممله؟  ولو تبي الصراحه يمكن ما يهمك شي منها، لكن انت داخل على مدونه شخصيه وليست مدونه تخصصيه، فأكيد راح تشوف افكار وانطباعات صاحبها عن اشياء شافها او سمع عنها ، الفرق هنا اني راح اجمع بعض من احداث الاسبوع الماضي واتكلم عنه، هذا بيوفر علي اني اكتب اكثر من تدوينه على اشياء يمكن ماتستاهل تدوينه لوحدها، وايضاً بيسهل على القارئ انه يقرأ اكثر من تدوينه واللي ممكن جمعها في تدوينه واحده!

عموماً، انا ما اغصب اي أحد انه يقرأ تدويناتي، فأذا ماعجبتك هالفكره تقدر بكل بساطه ماتقرأها، وايضاً مثل ماقلت هذي فكره جت على بالي، وفي احتمال كبير اني اكنسلها.

اوكي، نبدأ في هالأسبوع، وبما ان الاسبوع يبدأ عندنا بالكويت يوم الأحد، فتوقعوا دائماً ان التدوينه هذي بتنزل اما في نهايه يوم السبت او الأحد.

الاسبوع هذا كان جداً ممتاز، فهو أول اسبوع من العطله، وفيه كانت راحه طويله من بعد ماتعبت جداً في الامتحانات، والحمدلله جاءت النتيجه مرضيه، ومثل ماقلت في تدوينه سابقه، فأنا شريت مجموعه من المسلسلات حتى ابدأ فيهم عطلتي، وكانت مجموعه حلوه من المسلسلات، بديت فيها بـUgly Betty واللي جات في مستوى ماكنت متوقعه ابداً، التمثيل كان جداً رائع وممثله دور بيتي ((اعتقد اسمها اميريكا فيريرا )) اتقنت الدور بشكل اكثر من ممتاز، وخلتني احب الشخصيه، المسلسل فيه كوميديا رائعه، ودراما حلوه ، وشخصيه بيتي المتفائله تخليك تتفاءل بالحياه وتحس ان الدنيا لسا بخير.

بعد ما انتهيت من بيتي، انتقلت للموسم الرابع لـDesperate Housewives واللي كان حلو بعد، ولو اني حسيت بالبدايه انه بيكون فيه تكرار واعاده لأحداث الموسم الثاني، حيث ان جاره جديده تجي معاها سر تحاول تخفيه عن الجارات، مثل قصه الموسم الثاني بالضبط، بس بعدين الأحداث تتغير وتبدأ تصير حلوه، وتغيرت نظرتي للموسم، الاخراج كان أكثر من رائع والمخرج قدر يتفوق على نفسه، احداث كثيره ماتتوقعها تبدأ تصير في حي ويستيريا لاين، ولو كنت راح اختار افضل موسم من الأربعه اللي شفتهم، فالموسم الرابع راح يكون بالتأكيد هو اختياري.

اوكي حسيت نفسي أني طولت، باقي الفيديوجيمز اللي ماتكلمت عنه، مؤخراً صرت ما العب كثير، وما اشتهي العب، لكن مثل ماقلت في مدونه سابقه شريت انشارتد، واعجبتني كثير،اما بالنسبه للأفلام، آخر فيلم شفته هو Seven Pounds لـ ويل سميث وتكلمت عنه في مدونه مستقله.

هذي هي نهايه الأسبوع، اشوفكم في الاسبوع القادم ان شاء الله.

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: