Skip to content
يناير 25, 2009 / Ahmad

العطله: المرحله الأولى !

hot-coffee

((مع اني مو من النوع اللي يشرب قهوه كثير، بس لقيت ان هالصوره تعبر عن الراحه بعد التعب))

وأخيراً، وبعد التعب وطول الأنتظار وايام من التعب وسهر الليـ… خلاص اوكي بوقف! بس فعلاً، فرحتي جداً كبيره بالعطله لأني مأجل اشياء كثييييره للعطله، كتب كثيره، العاب كثيره، مسلسلات كثير، افلام كثيره، مع اني متأكد اني ماراح اسوي كل هالأشياء، بس بحاول اخلص اكبر قدر ممكن.

واستعداداً للعطله، بسوي كم مرحله لشراء اشياء امضي فيهم وقتي واستمتع فيهم (( بتقولي عندك اشياء كثيره بتسويها، ومع ذلك تشتري اشياء جديده ؟ وانا بيكون ردي، شفت واحد مجنون اكثر مني ؟ وانت بيكون ردك ايه فيه ، انا ردي بيكون … well خلاص بوقف ))

المرحله الأولى: المسلسلات

المسلسلات هي حبي الكبير، يمكن ماتصدق اني افضلها حتى على الأفلام، علشان جذي تجهزت بكميه كبيره منهم.

Dexter S01 , So2 , So3

اي، الثلاث سيزونات (( جمع سيزون ! )) مع بعض! ، تحمست جداً له بعد الانطباعات الأيجابيه عنه وبعد الكلام الكبير والمدح، فتحمست وشريت الثلاثه مع بعض 😀

Ugly Betty

من زمان ودي اشوفه، مو حاط آمال كبيره عليه ولكني مخليه لوقت الملل، اتمنى يكون عكس توقعاتي ويطلع شي مذهل.

Desperate Housewives S04, S05

الموسم الخامس للحين ما أكتمل ، لكني شريت اول 10 حلقات ( يس، كوبي ) هالمسلسل جداً رهيب، كل حلقه تعتبر تحفه فنيه من ناحيه الأخراج والأحداث والمواقف، تحفظي الوحيد على المسلسل هو اللقطات الحميميه ( ماحبيت اقول اباحيه (&) ) .

Grey’s Anatomy S05

المسلسل الطبي الأفضل، معلومات حلوه، دراما ممتازه، احداث حلوه، تحفظي عليه هو نفس تحفظي على اللي فوقها، بس مع ذلك يعتبر المسلسل رهيب.

وبهكذا تكون المرحله الأولى انتهت، تاركتني بحلقات كثيره لازم اشوفها، حسيت اني جنيت على نفسي ):

قريباً ..

المرحله الثانيه: الأفلام

Advertisements
  1. TDS / يناير 27 2009 2:48 ص

    مبروك يارجل 😀

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: