السلام عليكم ورحمه الله وبركاته
رجعت للتدوين من جديد 
بعد توقف دام تقريباً لـ5 اشهر ، التجربه السابقه كانت حلوه واستمتعت فيها كثير ، واستفدت منها كثير ايضاً.
هذي المره ، اتمنى اني ما أوقف مثل المره السابقه، واتمنى اني اقدر اقدم شي افضل من مدونتي السابقه.
بهذي المدونه بتكلم عن الاشياء اللي اهتم فيها كثير،عن حياتي الخاصه وعن افكاري ومعتقداتي ،بتكلم عن الافلام اللي شفتها ، الروايات اللي قرأتها ، الالعاب اللي لعبتها، المسلسلات اللي تابعتها ،وغيرها.
للي ماشاف مدونتي السابقه وحاب يشوفها ، اضغط هنا
بالنهايه ، اتمنى لي ولكم قضاء وقت ممتع هنا ، واذا كان لديك اي استفسار ، اقتراح ، شكوى ، او اي شي في بالك ، لا تتردد في كتابه تعليق او مراسلتي وبتلقى الرد ان شاء الله.
Posted by Abdulrhman on يناير 18, 2009 at 12:18 ص
يالخاين (&) ، تفتح مدونة ثانية ولا تقول لي ؟ انا زعلان -_- .
Posted by Ahmad on يناير 18, 2009 at 1:53 م
كله ولا زعلك، خلاص انا آسف
لو تبي الصراحه، المدونه توني فاتحها، وماحبيت انشرها بشكل كبير علشان ادري اني ماراح افضى لها في فتره الأمتحانات، وانت لو تشبك بالمسنجر كان قلتلك !
Posted by Abdulrhman on يناير 18, 2009 at 10:35 م
ماسنجر ماسنجر ماسنجر ، اااااه اكرهه ~_________~ ! بدات اهتم بالايميل اكثر ،،، المشكلة ان في كثييييييير من نوبز الانترنت اللي ماتعرف الا ترافيان ودردشة لول مايفرقوا بين الايميل والماسنجر ، مادري شدخلني في هالموضوع لكن ياخي اذا جيت اعبر لهم مايفهموني عالاقل انتا فاهمني <–اطلع برى بس .
Posted by Abdulrhman on يناير 25, 2009 at 11:04 م
هو سؤال ملقوف شوي لكن لازم اعرفه ولا ماراح انام (&)
حبيت اسأل عن وضعك ( المنتادوي ) حاليا ، لا حظتك ما ذكرت منتدى المنتدى في صفحة about ، مادري هل قررت ترك الرقابة وترك منتدى المنتدى ؟ لانك ذكرت اكسيزيا وهالشي فرحني كثيرا ، صدقني شخص مثلك في اكسيزيا يعتبر مكسب رااااااااائع واتمناك والجميع بشدة تكون من اعضاء اكسيزيا المنتظمين
Posted by Ahmad on يناير 25, 2009 at 11:10 م
لول، اجل ماراح اجاوبه علشان ماتنام P:
بالعكس، اي شي في بالك قوله، Do Not تستحي.
والله انا نفسي ماأدري شنو وضعي، مره ابي اشارك بشكل كبير بأكسيزيا (( وماقدرت اوصل لهالشي -_-” )) مره ابي ارجع لمنتدى المنتدى وابي اشارك فيه، بس بعدين يتغير رأيي. لذا، لحد ما أثبت على شي ماراح تكون عندي اجابه محدده.
بالنسبه للرقابه، قلبي مو مطاوعني اترك المنتدى، لي عنده ذكريات كثيره جداً، وايام كل ما اتذكرها واضحك بشكل كبير (( ارجوك، لا تطالع مواضيعي القديمه ! ))
وشكراً على المجامله، صدقني.. انا ما استاهلها،و ترى بعدين اصدق !